خطوات كتابة المحتوى

• ١. الفكرة تخدم محورًا واضحًا.نعملا
• ٢. حدّدت مرحلة TOFU أو MOFU أو BOFU.نعملا
• ٣. حللت محتوى ناجحًا في مجالي قبل الكتابة.نعملا
• ٤. استفدت من الهيكل ولم أنسخ النص أو القصة.نعملا
• ٥. اخترت نمط الفيديو ونوع القصة.نعملا
• ٦. كل جزء يقود إلى الجزء الذي بعده.نعملا
• ٧. الـPayoff يلبّي الوعد.نعملا
• ٨. الـCTA مناسب للمرحلة.نعملا
• ٩. أستطيع تصوير الفيديو بدون ظهور.نعملا

كم «نعم» من ٩؟ اكتب الرقم. كل «لا» إلها محطة بهالدليل، ورح ترجع لنفس الأسئلة بآخره.

1. ١
   العميلمرة واحدة
   القرار الوحيدلمن أكتب، وما مشكلته بكلماته هو؟
   المخرجبطاقة العميل + جملة: أساعد [مين] على [شو]
2. ٢
   المحاورمرة واحدة
   القرار الوحيدما المواضيع الكبيرة الخمسة التي يتكرر فيها كلامي؟
   المخرج٥ محاور ثابتة
3. ٣
   جدول الأفكاركل شهر
   القرار الوحيدما نوع القصة لكل فكرة؟ (والباقي يتحدد تلقائيًا)
   المخرج٣٥ فكرة للشهر
4. ٤
   تقويم الشهركل أسبوع
   القرار الوحيدأي أفكار أنشر هذا الأسبوع، وبأي ترتيب؟
   المخرججدول الأسبوع + يوم تصوير
5. ٥
   السكريبتلكل فيديو
   القرار الوحيدما اللحظة الحقيقية وراء هذه الفكرة؟
   المخرج٦ أسطر + خريطة لقطات + موعد نشر

نفس الفكرة بتنعمل بأي نمط من الأربعة (كاروسيل · نص + B-roll · VO + B-roll · عدة B-rolls + VO). الجدول بيعطيك خيارات، مش التزام: بتختار منها اللي بيناسب أسبوعك.

أنا [ريم]، [مدربة تربية واعية]. بساعد [الأمهات] على [يفهموا شو ورا سلوك أطفالهم ويتعاملوا معه بهدوء بدل الصراخ]، من خلال [برنامج تربية واعية فردي].
منصتي: [إنستغرام: ريلز وكاروسيل].
عميلتي: [هبة، ٣٢ سنة، أم لطفلين (٤ و٧ سنين)، بتصرخ وبتندم، ونفسها ببيت أهدأ].
أسلوبي: محتوى Faceless سينمائي، [باللهجة الفلسطينية البيضاء]، بدون مبالغة أو وعود.

ملف هويتك = المعلومات اللي لازم الأداة تعرفها عنك قبل أي طلب. وكل برومبت بهالدليل بيشتغل على أي أداة (ChatGPT · Claude · Gemini · Manus). بدّل اللي بين [أقواس] ببياناتك. ومولّد البرومبت بدفتر الإنتاج بيحفظ نفس البيانات عنك.

اعبّئ البطاقة مرة واحدة. الأجزاء التي يحتاجها المحتوى مباشرة:

الوجهة قبل أول فيديو (ملف تدقيق البايو): «ريم | تربية واعية للأمهات» · سطر وضوح بجملتها · سطر ثقة بدليل حقيقي واحد · دعوة واحدة: ورقة «٣ أسئلة قبل العقاب» ↓

الدور: تصرّف كاستراتيجي محتوى بيفهم جمهور [الأمهات العربيات]، ومتخصص ببناء بطاقة العميل المثالي لـ[مدربات التربية].
المعلومات: [الصق ملف هويتك].
الهدف: بطاقة عميلة واضحة أكتب لها كل محتواي.
المهمة: اسألني سؤال واحد كل مرة عن عميلتي: وصفها، ٦ مشاكل بكلماتها هي، ٣ طموحات، اهتماماتها، ووين بتتواجد. قبل كل سؤال اعطيني مثال قصير على جواب منيح.
الشكل: بالآخر اعرض البطاقة بجدول، وجملة «أساعد [مين] على [شو] من خلال [طريقتي]»، وجملة التحول.
القيود: ما تخترع معلومات عن عميلتي. أي شي اقترحته إنت حطه بين [أقواس] لحتى أوافق عليه.

اجمع المشاكل والطموحات المتشابهة تحت ٥ مواضيع كبيرة. لا تجعل كل مشكلة محورًا وحدها.

الدور: تصرّف كاستراتيجي محتوى بيفهم صناعة المحتوى السينمائي بدون ظهور، ومتخصص بتحويل مشاكل الجمهور وأحلامه لمحاور بتتكرر.
المعلومات: [الصق ملف هويتك]. وهاي بطاقة العميلة: [الصق البطاقة].
الهدف: ٥ محاور بتخاطب عميلتي وبتخدم عرضي.
المهمة: اجمع المشاكل والطموحات المتشابهة تحت محاور رئيسية، وما تخلي كل مشكلة محور لحالها.
الشكل: جدول فيه: اسم المحور، والمشاكل والطموحات اللي بيجمعها.
القيود: لا أفكار عامة ولا ترندات ما إلها علاقة بمجالي. إذا نقصتك معلومة، اسألني قبل ما تفترض.

القرار الوحيد هنا هو نوع القصة. اختياره يحدد تلقائيًا المرحلة والـCTA، ونمط مقترح للبداية (وكل فكرة بتنعمل بأي نمط من الأربعة):

جدول أفكار ريم الكامل: ٥ محاور × ٧ = ٣٥ فكرة

لا تحتاج تعبّئ الجدول كامل مرة وحدة. محور واحد × ٧ يكفي لأسبوعين. وقصص العملاء (الصف السادس) تحتاج إذنًا صريحًا، وإلا اكتبيها كـ«موقف شائع» بدون ادعاء.

الدور: تصرّف كخبير نمو محتوى متخصص بـ[محتوى التربية]، بيفهم سلوك [الأم العربية] ومرحلة قرارها.
المعلومات: [ملف هويتك]. المحور: [الصراخ وغضب الأم]. مشاكل عميلتي تحته: [«بصرخ وبعدين بندم»، «ما بيسمع إلا لما أعصّب»]. ولحظاتي الحقيقية: [الصق أجوبتك على الأسئلة].
المهمة: اقترح فكرة وحدة لكل نوع قصة: وجع، طموح، توثيق، مشكلة ← طريق ← حل، اختصار الطريق، قصة عميل، البراند والعرض. استخدم لحظاتي بالخانات المناسبة، وكل فكرة لحظة محددة، مش موضوع عام.
الشكل: جدول: النوع، الفكرة بجملة وحدة، المرحلة (جذب / ثقة / دعوة).
القيود: ما تكتب سكريبت، وما تكرر نفس الفكرة بصياغة ثانية. قصص العميلات اكتبها كموقف عام إذا ما في إذن.

اصعد السلّم درجة درجة، ولا تنتقل للدرجة التالية قبل ما تثبت على الحالية أسبوعين.

ثلاث قواعد للتوزيع

تقويم ريم للشهر (من جدول الأفكار أعلاه)

هذا توزيع مقترح على إيقاع دفتر الإنتاج. مع ٣ فيديوهات بالأسبوع خذي من كل أسبوع ٣ أيام فقط بنفس الترتيب.

الدور: تصرّف كمخطط محتوى بيفهم كيف بتنتقل العميلة من التعارف للثقة للقرار.
المعلومات: [ملف هويتك]. وهاي أفكاري مع نوع ومرحلة كل وحدة: [الصق جدول الأفكار].
الهدف: تقويم [الأسبوع ١] من [٧] أيام.
المهمة: وزّع الأفكار بهالقواعد: [الأسبوع ١ أغلبه جذب]؛ المحاور متنوعة؛ نمط طويل واحد بس (عدة B-rolls + VO) والباقي كاروسيل أو نص + B-roll أو VO + B-roll.
الشكل: جدول: اليوم، الفكرة، المحور، المرحلة، النمط. وتحته قائمة اللقطات اللي لازم تتصور بيوم التصوير المجمّع.
القيود: ما تضيف أفكار جديدة من عندك. استخدم أفكاري بس.

نطبّق المحطة كاملة على يوم ٥ من شهر ريم: «نوبة غضب بالسوبرماركت» · وجع · TOFU · عدة B-rolls + VO · حوالي ٤٥ ثانية.

1. افتح ٣–٥ فيديوهات مرجعية ناجحة بمجالك

   من دليل «من البحث إلى السكريبت»: دوّر على فيديوهات بتحكي عن موضوع قريب أو بتخاطب نفس الجمهور. ما تطّلع على المشاهدات بس: راقب الحفظ والمشاركة والتعليقات. خذ الهيكل، مش النص. ومكتبة القوالب بدفتر الإنتاج فيها فيديوهات مرجعية محللة.

   سؤال التحليل	شو لاحظت ريم (مثال توضيحي)
   شو الهوك أو أول لقطة؟	جملة أم عن موقف محرج قدام الناس
   من أي مشكلة بدأ؟	الخجل من نظرات الناس
   كيف خلاني أكمل؟	«وعملت غلطة…» قبل ما يقول شو هي
   كيف رتّب القصة؟	موقف ← غلطة ← شو تعلّمت
   شو الـPayoff والـCTA؟	جملة وحدة بتلخص الدرس · «تابعيني»
   شو باخد من بنائه؟ وشو بغيّر؟	الغلطة المعلّقة قبل الكشف، لكن بلحظتي أنا وصوتي

   برومبت المحطة ٥ (أ) · تحليل فيديو مرجعي ناجحنسخ

   الدور: تصرّف كمحلل محتوى وسرد قصصي متخصص بـ[محتوى التربية]، بيفهم ليش بتنجح الفيديوهات القصيرة مع [الأمهات]، وعنده خبرة بتفكيك البنية بدون نسخ النص أو القصة.
   المعلومات: [ملف هويتك]. هاي الأمثلة: [الصق ٣–٥ روابط أو نصوص أو صور].
   الهدف: أفهم طريقة البناء اللي بقدر أكيّفها مع فكرتي.
   المهمة: استخرج الـHook، المشكلة، شو زاد الفضول، ترتيب القصة، النمط، الـPayoff والـCTA. وبعدين اربطها بفكرتي: [نوبة غضب بالسوبرماركت].
   الشكل: جدول تحليل، وبعدين اقتراح واحد خاص فيّ.
   القيود: ما تنسخ النص أو الجمل أو القصة. استلهم الهيكل بس.

2. ارجع للحظة اللي ورا فكرتك: شو صار فعلًا؟ وبعدين: ليش مهم؟

   الفكرة من الجدول = العنوان؛ اللحظة = القصة الحقيقية وراه. ريم: «نوبة غضب بالسوبرماركت» ← ابنها عمره ٤ سنين انهار بممر الشوكولاتة لأنها رفضت تشتريله.

   السؤال	جواب ريم
   أين كنتِ؟	ممر الشوكولاتة بالسوبرماركت، آخر النهار، تعبانة
   ماذا كانت الكاميرا ستلتقط؟	عربة تسوق، يد صغيرة على الرف، رجلين بتضرب الأرض، ناس بتطلع
   ماذا فعلتِ؟	سحبته من إيده وأنا عم بهدد بصوت واطي
   ما الذي تغيّر في فهمك؟	إني كنت عم بتصرف عشان الناس، مش عشانه
   Why 1 (الجواب الآمن)	بدي علّم الأمهات كيف يتعاملوا مع نوبة الغضب
   Why 2 (الشعور)	لأني حسيت بالخجل أكتر ما حسيت فيه هو
   Why 3 = الـRaw	أصعب شي بنوبة الغضب مش صراخ الطفل، هو نظرات الناس اللي بتخلينا نتعامل معهم بدل ما نتعامل معه

3. اكتب الأسطر الستة

   السطر	سؤاله	سكريبت ريم
   Hook	أقوى جملة صادقة (نوع الهوك: هذا أنا)	ابنك انهار على الأرض بالسوبرماركت… والكل عم يطلع عليكي.
   البداية	الموقف الذي ترى فيه نفسها	أنا كنت هون. ابني عمره ٤ سنين، رفضت أشتريله شوكولاتة، وبثانية صار يصرخ ويضرب برجليه على الأرض.
   زيادة الفضول	ما الذي يجعلها تكمل	وعملت الشي اللي أغلبنا بنعمله بهاللحظة… وطلع هو المشكلة.
   الطريق	ماذا حدث، أو الخطوة	سحبته من إيده وأنا عم بهدد، مش لأنه هو بحاجة هيك، لأني كنت بدي الناس توقف تطلع. اليوم بنزل لمستواه، بسمّي شعوره: «إنت زعلان لأنك بدك الشوكولاتة»، وبستنى.
   Payoff	الفكرة الموعودة	أصعب شي بنوبة الغضب مش صراخ الطفل. هو نظرات الناس اللي بتخلينا نتعامل معهم بدل ما نتعامل معه.
   CTA	خطوة TOFU واحدة	إذا صارت معك، تابعيني. هون بنفهم شو ورا سلوك أطفالنا خطوة خطوة.

4. افحص السكريبت، وعدّل السطر الضعيف بس

   • هل ستتوقف الأم المناسبة؟ (Hook)نعملسا
   • هل سترى نفسها في الكلام؟ (البداية)نعملسا
   • هل عندها سبب لتكمل؟ (زيادة الفضول)نعملسا
   • هل تقدر تتخيّل ما حدث؟ (الطريق)نعملسا
   • هل الـPayoff يفي بوعد الهوك؟نعملسا
   • هل تعرف الخطوة التالية بالضبط؟ (CTA)نعملسا

   إصلاح ريم

   المسودة الأولى لسطر الفضول كانت: «وهون بدأت المشكلة». النتيجة «لسا»: الجملة عامة وما بتعطي سبب للإكمال. التعديل: «وعملت الشي اللي أغلبنا بنعمله بهاللحظة… وطلع هو المشكلة». صار في سؤال: شو هو هالشي؟

5. خلّي الأداة تراجع معك

   برومبت المحطة ٥ (ج) · مراجعة السكريبت قبل التصويرنسخ

   الدور: تصرّف كمحرر سكريبتات وسرد قصصي متخصص بـ[محتوى التربية]، بيفهم سلوك [الأمهات]، وعنده خبرة بمراجعة الفيديوهات القصيرة.
   المعلومات: هدف الفيديو: [جذب] · النمط: [عدة B-rolls + VO] · نوع القصة: [وجع] · الجمهور: [هبة].
   المهمة: راجع كل سطر بسؤال: هل رح توقف؟ هل بتشوف نفسها؟ هل عندها سبب تكمّل؟ هل بتتخيّل اللي صار؟ هل الـPayoff بيفي بالوعد؟ هل بتعرف الخطوة الجاية؟ وهل بينصوّر بدون ظهور؟
   الشكل: جدول بعمودين: شو بيشتغل منيح / شو بده تعديل. وبعدين تعديل على الجمل الضعيفة بس.
   القيود: ما تعيد كتابة النص كله، وما تغيّر الفكرة أو النبرة، وما تضيف معلومات، وبدون مديح عام. السكريبت: [الصقه].

6. جرّب الفكرة بـ٣ أنواع هوك، واختاري الأوضح

   نوع الهوك هو الباب اللي بتدخلي منه لنفس الفكرة. كل نوع بيجاوب سؤال، وبيعطيكي بداية جاهزة تكمّليها:

   نوع الهوك	السؤال اللي بيجاوبه	مثال ريم: نوبة غضب بالسوبرماركت
   هذا أنا ☆	شو بتعيش العميلة هلأ؟	ابنك انهار على الأرض بالسوبرماركت… والكل عم يطلع عليكي.
   الغلطة الشائعة	شو بنعمل غلط بدون ما ننتبه؟	أكتر شي بنعمله وقت نوبة الغضب… هو اللي بيطوّلها.
   السبب الخفي	ليش بيصير هيك فعلًا؟	نوبة الغضب بعمر ٤ مش عناد. هاد اللي عم يصير براسه.
   قبل وبعد	شو بيتغيّر لما نغيّر طريقتنا؟	نفس الموقف مرتين: مرة سحبته وهددته، ومرة نزلت لمستواه.
   الخطوة الأولى	شو بتعمل اليوم؟	المرة الجاية، أول ١٠ ثواني من نوبة الغضب اعملي هالشي بس.
   كسر اعتقاد	شو القناعة اللي لازم تتغيّر؟	إنك توقفي نوبة الغضب بسرعة مش هو الهدف.
   ورا الكواليس	كيف بتشتغلي إنتِ؟	هاد اللي بعمله بالضبط لما ابني ينهار برّا البيت.

   نوع الهوك بيغيّر مدخل الفيديو كله، مش بس أول جملة، فاختاريه قبل ما تثبتي السكريبت. وإذا فيديو نجح، انشريه مرة ثانية بنوع هوك مختلف. وللمزيد: دليل الهوكات السينمائية (٧٠ افتتاحية).

7. قبل ما تصوّر: هويتك البصرية

   إذا ما في وجه… شو اللي بيخلي الناس تعرف إنه هاد حسابك؟ هويتك البصرية: هي وجهك بالمحتوى الـFaceless.

   ألوان ثابتةنفس خط النصعناصر بتتكررنفس الضوء والمكاننفس أسلوب اللقطات

   ريم

   بيج وخشب، ضوء الشباك، دفترها، فنجانها، وإيديها. أي فيديو منها لازم يتعرّف عليه قبل ما يتقرأ الاسم.

   أغلبكم لسا عم تتعودوا على النشر وعم تتدربوا على المحتوى، وهاد طبيعي. بس ما تنسوا هالخطوة: الاستمرارية بالقيمة هي اللي بتبني الثقة، مش النشر العشوائي.

8. قراران قبل ما تصوّر: بُعد اللقطة وزاوية الكاميرا

   من دليل «وين تحط الموبايل لما تصوّر؟». كل ما تبعد الموبايل، كل ما ظهر المكان أكتر. وكل ما تقرّب، كل ما برزت التفصيلة.

   البُعد	متى تستخدمه	مثال ريم
   واسعة جدًا	تعطي فكرة وين المكان	ممر السوبرماركت كامل
   واسعة	العنصر مع الـSetup حوله	الطاولة والكرسي وألعاب الطفل
   متوسطة	الفعل الأساسي بوضوح	إيدين بتكتب بالدفتر
   قريبة	شي مهم أو لحظة محددة	إيد صغيرة على رف الشوكولاتة
   قريبة جدًا	ملمس أو حركة صغيرة	قلم بيرسم دائرة حول كلمة

   الزاوية	شو بتعطي	مثال ريم
   مستوى العين	إحساس طبيعي، كأنك واقف قدامه	فنجان على طاولة الصالون
   علوية	بتوضح شو بيصير فوق الطاولة	دفتر وقلم على طاولة المطبخ
   عين الطائر	ترتيب أكل أو أدوات على سطح	صحن غدا الطفل وألوانه
   سفلية	بتكبّر العنصر وبتبيّن المكان أوسع	رجلين الطفل بتضرب الأرض
   خلف الكتف	بيدخّل المشاهد بالفعل بدون وجه	ريم بتقرأ قصة لابنها

   ادمجهم حسب اللي بدك تظهره: عين الطائر + قريبة للتفاصيل · سفلية + واسعة للمكان · مستوى العين + متوسطة للإيدين أثناء الشغل · علوية + متوسطة للروتين والخطوات.

9. التكوين: الأساسي، الخلفية، المقدمة

   العنصر الأساسي

   أول شي بتشوفه العين. المشهد متناظر؟ حطه بالنص. مش متناظر؟ قاعدة التثليث، ومساحة قدامه أكبر من وراه.

   الخلفية

   بسيطة وبتكمّل المشهد: لمبة، نبتة، كتاب أو إطار. اللي ما بيخدم العنصر، شيله من الكادر.

   المقدمة

   عنصر قريب من العدسة بيضيف عمق: طرف ورقة، كوب، نبتة. بس لا يغطي العنصر الأساسي.

   ٤ أسئلة قبل ما تثبّت الموبايل

   ١. شو العنصر الأساسي؟ ٢. أي زاوية بتوصله بأحسن شكل؟ ٣. أي بُعد بيخدمه؟ ٤. هل الخلفية والمقدمة بتدعمه؟ زاوية + بُعد + توزيع = لقطة مقصودة.

10. ارسم خريطة اللقطات

    السطر	اللقطة Faceless	الزاوية والبُعد
    Hook	رجلين طفل صغير بتضرب أرضية السوبرماركت	من تحت · قريبة
    البداية	يد صغيرة تمتد لرف الشوكولاتة، ويد الأم توقفها	مستوى العين · قريبة
    زيادة الفضول	ممر السوبرماركت وعربة واقفة بالنص	واسعة · تحكي المكان
    الطريق	ركبة الأم تنزل على الأرض لمستوى الطفل، يد على كتفه	من تحت · متوسطة
    Payoff	اليدين ماسكين بعض وهم ماشيين لبرا	من الخلف · متوسطة
    CTA	كيس التسوق على طاولة البيت وفنجان قهوة	من فوق · قريبة + نص

    صوّري اللقطات أولًا، ثم ركّبي الصوت عليها (ملف: وين تحط الموبايل لما تصوّر).

11. راجع الخصوصية والإذن

    احكي الفكرة، والتفاصيل الشخصية بتضل إلك. وفي مجال التربية بالذات: وجه الطفل لا يظهر، ولا اسمه ولا مدرسته، ولا لحظة تحرجه لما يكبر. قصص العميلات تحتاج إذنًا صريحًا، وإخفاء الاسم وحده لا يكفي.

    فحص ريم

    القصة قصتها هي ✓ · وجه ابنها لا يظهر، واللقطات أعيد تمثيلها ✓ · التفصيل يخدم الدرس لا الإحراج ✓ · ترتاح لبقائها علنية ✓

12. البرومبت اللي بيمشي معك بالمحطة كلها

    بيسألك عن الحقائق والمعنى، وبيكتب الأسطر الستة، وبيقترح ٣ هوكات، وبيحط اللقطات:

    برومبت المحطة ٥ (ب) · منه طلع سكريبت ريم وهوكاته ولقطاتهنسخ

    الدور: تصرّف ككاتب سكريبتات سينمائية قصيرة متخصص بـ[محتوى التربية]، بيفهم نفسية [الأم المتعبة]، وعنده خبرة بكتابة قصص Faceless بتحافظ على الانتباه.
    المعلومات: [ملف هويتك]. الفكرة: [نوبة غضب بالسوبرماركت] · المحور: [فهم سلوك الطفل] · المرحلة: [جذب] · النمط: [عدة B-rolls + VO] · نوع القصة: [وجع] · الفيديو المرجعي: [الصق التحليل].
    التوضيح: قبل ما تكتب، اسألني سؤال واحد كل مرة: وين كنت؟ شو كانت الكاميرا رح تلتقط؟ شو عملت؟ وبعدين ليش مهم (٣ مرات). مع كل سؤال اعطيني مثال قصير.
    المهمة: اكتب السكريبت بهالتسلسل: Hook، البداية، زيادة الفضول، الطريق، Payoff، CTA. واقترح الهوك بـ٣ أنواع: [هذا أنا، الغلطة الشائعة، كسر اعتقاد].
    الشكل: النص [باللهجة الفلسطينية البيضاء]، وتحت كل سطر لقطة Faceless مع الزاوية والبعد.
    القيود: [٤٥ ثانية]، نبرة سينمائية مباشرة، بدون مبالغة. ما تضيف أي حدث أو شعور ما ذكرته بإجاباتي.

13. حدد موعد التصوير والنشر

    النمط	عدة B-rolls + VO
    التصوير	يوم التصوير المجمّع قبل الأسبوع
    النشر	يوم ٥
    سؤال تقني	كيف أصوّر رجلين طفل بدون ما يبان وجهه؟

    مش مطلوب الفيديو يفرقع. المطلوب تنشر، تشوف شو صار، وتحسّن اللي بعده.

بتبدأ عادة بالأسبوع الثالث والرابع، لما يصير في ثقة. المحتوى بيجذب الانتباه، والـFreebie بيحافظ على العلاقة.

قبل ما تشتري، عميلتك بتسأل حالها ٥ أسئلة

الفيديو ما بيبيع لحاله. كل فيديو بيجاوب سؤال من هدول، وكل نوع قصة بيجاوب سؤال معيّن. لهيك التقويم بيبدأ بالجذب وبيخلص بالعرض.

٣ فيديوهات بتبني الثقة قبل ما تطلب البيع

فيديو واحد = مهمة وحدة. ما تحمّلي فيديو واحد كل شي.

المسار من الفيديو للعرض

الدور: تصرّف كاستراتيجي محتوى وتحويل بيفهم كيف بتنتقل [الأم] من متابِعة لعميلة بدون ضغط.
المعلومات: [ملف هويتك]. العرض: [جلسة فهم السلوك]. الفيديو: [غلطتي معه: ٣ خطوات لأصلّح].
الهدف: مسار بسيط من الفيديو للعرض.
المهمة: اقترح: كلمة الـCTA، فكرة Freebie صغير بيحل جزء حقيقي من المشكلة، رسالة Manychat الأولى، رسالة متابعة بعد يومين، ودعوة العرض.
الشكل: الخمس عناصر بالترتيب، كل واحد بجملتين.
القيود: بدون ضغط ولا ندرة وهمية ولا وعود بنتائج. اللهجة [الفلسطينية البيضاء].

نصيحة: اطلب منه يسألك سؤال واحد كل مرة، ويوضح لك أي جملة اقترحها هو من عنده حتى توافق عليها أو تغيّرها. هيك بيساعدك تكتب أوضح بدون ما يألّف قصتك.

رجعنا لنفس الأسئلة التسعة: فيديوك الجاي، كم «نعم» رح يجيب من ٩؟ ارجع للأسئلة

1. رتّب محاورك وأفكارك بجدول الأفكار
2. ارجع لفيديوهاتك اللي نزلت: شو منها جذب، وشو ثقة، وشو دعوة؟
3. خطّط الأيام العشرة الجاية من التحدي بالتقويم
4. اكتب فيديوك الجاي بالمحطات الخمس ومع البرومبتات
5. وكمّل على نفس الإيقاع بعد التحدي